«كتبت لك عمري بدمي».. قصيدة للشاعرة اللبنانية جويس أسمر

كتبت على الورق كل الكلام 

يلي قلبي حسّو

خليت قلبي يكتب شوعم بيحسّ بكل لحظة

اللحظة يلي كان عم بيدق بسرعة 

والدنية مش سايعتو..

قلبي كتب

اللحظة يلي وقف قلبي أول مرة شافك فييا..

قلبي كتب

اللحظة يلي صارت دقات قلبي بطيئة..

اللحظة يلي بعدتي عني..

قلبي كتب كل سطر كتبتو كل شعور حسيتو

 شعور بالحب.. بالجنون

 شعور بالفرح

بالسعادة شعور بالحزن..

بالكآبة 

شعور بالخوف شعور بالحرية

 كل شي كتبتو

 مش كل صفحة بتعبر عن إحساس

 كل كلمة وكل سطر

 كتبت لك كل كلام الحب

 كتبت لك أحلى الكلام

 حتى ما أنسى قلبي شو حس

كتبت لك أجمل الجمل حتى الحب يبقى..

وإن ما بقي على الورق يبقى بقلبي

صورت قلوب وورد أحمر..

صورت الأيام الحلوة يلي رح منقضيها سوى

صورت الأحلام لأنو كانت قليلة

بالوقت يلي حبيتك ما عدت نام..

ما عدت أحلم صار الحلم واقع

صورت لك كل الدنية

 كتبت لك كل الكلام..

كتبت لك عمري بدمي